Ак юллар сезгә!

Мөслим сәнгать мәктәбе чыгарылыш сыйныф укучылары белән саубуллашты. Традиция буенча, чыгарылыш кичәсендә балаларга мәктәпне тәмамлау турындагы таныклыклар, күпсанлы конкурс-фестивальләр җиңүчеләре булганнарга мәктәп директорының Рәхмәт хатлары тапшырылды. Чыгарылыш кичәсенә Мөслим муниципаль район барлыгы Альберт Хуҗин килгән иде. Ул балаларга алдагы тормыш юлында уңышлар, иҗади биеклекләр теләде. Тантанада шулай ук район башкарма комитеты җитәкчесенең социаль мәсьәләләр буенча урынбасары Марина Бәдретдинова, район мәдәният бүлеге җитәкчесе Фидания Шәймәрданова да чакырулы иделәр. Мәктәп директоры Айгөл Фәттахова бүген халык hәм тынлы уен кораллары, фортепиано, театр, рәсем hәм бию сәнгате бүлекләрен тәмамлаган 39 укучыга дәүләт үрнәгендәге таныклыклар тапшырды. Ата-аналар hәм укытучыларның рәхмәт, саубуллашу сүзләре белән үрелеп барган бәйрәм кичәсе вальс hәм шарлар очырту белән тәмамланды.