Район Башлыгы катнашында атналык киңәшмә

2023 елның 20 феврале, дүшәмбе

Мөслим муниципаль район Башлыгы катнашында атналык киңәшмә узды.

Альберт Хуҗин узган атна вакыйгаларына күзәтү ясап, чараларны оештырган һәм аларда катнашкан һәр кешегә рәхмәт сүзләрен җиткерде. Анымдагы атнада узасы бәйрәм чараларына тукталып үтте.

Бүләкләнүчеләр:

Мөслим муниципаль районы Финанс бюджет палатасының керемнәр бүлеге начальнигы Ильмира Гилемдаровна - Күпеллык тырыш һәм намуслы хезмәте өчен Татарстан Республикасы Финанс министрлыгының рәхмәт хаты белән бүләкләнә.

Сертификат алучы гаилә:

"Россия Федерациясе гражданнарын арзан һәм уңайлы торак һәм коммуналь хезмәтләр белән тәэмин итү" Россия Федерациясе дәүләт программасы буенча сертификат Рунар һәм Алия Ханнановлар гаиләсенә тапшырылды.

 Чыгыш ясаучылар:

1. Кышкы спартакиада нәтиҗәләре буенча - Илшат Яббаров;
2. ЗАГС бүлеге эшчәнлеге буенча - Язилә Магалимова;
3.   Хуҗалык тәэмин итү оешмасы эшчәнлеге буенча - Марат Кашапов.

Агымдагы атнада үтәчәк чаралар:

• 21.02 – 09.00 Ветераннар арасында бильярд ярышы.
• 23.02 – 18.00 З.Басыйрова ис.мәдәният йортында Ватанны саклаучылар көненә багышланган бәйрәм концерты.
• 24.02 – 10.00 Михайловка авылында “Масленица” бәйрәме.
• 25.02 – 10.00 Район үзәгендә Кышны озату бәйрәме.
• 13.00 Баек авылында бәйрәм чаралары: күңелле уеннар, чанада шуу, итек футболы, концерт программасы.
• 26.02 -10.00 Рус Шуган авылында “Масленица” бәйрәме.