Республикакүләм "Яшь музыкантлар" конкурсы

Сәнгать мәктәпләрендә шөгыльләнүчеләр өчен урак өсте башланды. Балалар һәм укытучылар җиң сызганып күптөрле конкурс-бәйгеләрдә катнаша. Мөслим сәнгать мәктәбенең тынлы уен кораллары бүлеге укучылары Ф.ЯРуллин исемендәге Әлмәт музыка көллияте тарафыннан уздырылучы "Яшь музыкантлар" республика конкурсында чыгыш ясады. Нәтиҗәләр түбәндәгечә: Камилә Григорьева - 3нче дәрәҗә лауреат, Аделина Хәлилова дипломант исеменә лаек булдылар. Укытучылары - Рунар Шәяхмәтов, концертмейстер - Розалия Хәбибуллина. Кызларга алдагы иҗат юлында да уҗышлар телибез!