Студентлар белән очрашу

30 нчы гыйнвар көнне Мөслим сәнгать мәктәбенең рәсем сәнгате бүлеге укучылары өчен югары уку йортлары һәм көллият студентлары: Барсегян Эдита, Бурганова Рената, Шакирова Гульяр белән очрашу узды. Очрашу башында студентлар мәктәп елларын, яраткан фәннәрен искә төшерделәр, үзләренең уку һәм студентлар тормышы турында сөйләделәр. Кунаклар мәктәпнең алдагы укудагы мөһим ролен билгеләп үттеләр, укучыларга яхшырак укырга, дәресләрне калдырмаска киңәш иттеләр. Укучылар тулай торак, стипендия күләме һәм уку тормышыннан тыш сораулар бирделәр. Мондый профориентацион очрашулар укучылар өчен кирәк, студентлар белән аралашу аларга югары уку йорты турында кирәкле мәгълүмат алырга һәм дөрес сайлау ясарга булыша.