«Йортыбыз - Татарстан» дип исемләнгән этномәдәни республика фестиваленең сайлап алу туры

10 октябрь көнне З.Басыйрова исемендәге район мәдәният йортында «Йортыбыз - Татарстан» дип исемләнгән этномәдәни республика фестиваленең сайлап алу туры булып узды. Анда Мөслим сәнгать мәктәбенең иҗат коллективлары һәм аерым башкаручылар чыгыш ясады. Бию сәнгате номинациясе буенча «Асса» (җитәкчесе Нуруллина О.С. һәм Солтанов б.Р.) һәм «Тукай бизәкләре» (җитәкчесе Нуруллина О.С.) ансамбльләре чыгыш ясады. «Инструменталь музыка» номинациясендә дәә укучыларыбыз матур чыгыш күрсәттеләр. Алар: «Дуслык» кашыкчылар ансамбле (җитәкчеләре Йосыпова Г.М., Шәйгәрданова А.Р., Харисова Р.Р.), «Тургай» курайчылар ансамбле (җитәкчсесе Шәяхмәтов Р.Р.). Шулай ук сәнгать мәктәбе укытучылары «Мөслим тугайлары» фольклор ансамбле һәм «Ык буйлары» җыр һәм бию ансамбле составында уңышлы гына чыгыш ясадылар. «Җыр сәнгате» номинациясендә Наира Никогосян һәм Зөләйха Хантимерова (укытучысы Галиева Г.И.), Алия һәм Әминә Бухаровалар (укытучысы Әхмәтҗанова М. М.), Илназ Морзаханов (укытучысы Йосыпова Г. М.) үзләренең моңлы чыгышлары белән бөтенесен таң калдырдылар. Жюри членнары катнашучыларның чыгышларын уңай бәяләде. Барлык катнашучылар да фестивальнең зона этабы дипломнарын алып, ноябрь аенда Казан шәһәрендә узачак фестивальнең зона этабында катнашачаклар һәм безнең районны тәкъдим итәчәкләр.