"Нечкәбил-2022"республика әниләр һәм гаилә конкурсы

29 июнь көнне Сарманда "Нечкәбил-2022"республика әниләр һәм гаилә конкурсының зона этабы узды. Ул «Ныклы гаилә» федераль партия проекты, «Татарстан – нык гаиләләр территориясе» республика акциясе һәм «Ел гаиләсе»7 нче Бөтенроссия конкурсы кысаларында уза. Конкурсантлар үз гаиләләре турында видеороликлар тәкъдим иттеләр, гореф-гадәтләре белән уртаклаштылар һәм гаилә горурлыгы турында сөйләделәр. Мөслим районыннан әлеге бәйгедә Айрат һәм Айгөл Шәйгардановлар катнашты. Айгөл Рифовна-Мөслим балалар сәнгать мәктәбенең вокал сәнгате бүлеге укытучысы. Шәйгардановлар гаиләсен 17 сентябрьдә Казан шәһәрендә узачак финал турына узулары белән чын күңелдән котлыйбыз.