Балаларны яклау көне

Җәйге каникуллар-балалар өчен көтеп алынган бәйрәм. Җәйнең беренче көнендә дә халыкара бәйрәм – балаларны яклау көне билгеләп үтелә. Бу балалар өчен күңелле һәм шатлыклы бәйрәм генә түгел, ә өлкәннәргә балаларыбызның мәхәббәт һәм даими кайгыртуга һәм яклауга мохтаҗ булуы турында искәртү дә. Балачакның төп бәйрәме – «Кояшлы Ык» яр буенда үтте. Мөслим сәнгать мәктәбенең театр бүлеге балалары "Өч кыз" татар халык әкиятен сәхнәләштерделәр (җитәкчесе Ләйсән Замалова). Тынлы уен кораллары бүлеге укытучысы Рунар Шәяхмәтов курайда мастер-класс күрсәтте. "Тукай бизәкләре" бию коллективы (җитәкчесе Оля Нуруллина) тамашачыларны күңелле биюләре белән сөендерделәр. Төрле конкурслар, уеннар үткәрелде. Асфальтта төсле акбурлар белән рәсем конкурсы үткәрделәр. Балалар өйләренә күтәренке кәеф белән таралыштылар. Балалар көлүе ешрак яңгырасын, шатлыклы фикерләр күбрәк булсын. Без барыгызны да халыкара яклау көне белән котлыйбыз!!!