Уфа шәһәрендә чик сакчылары көненә багышланган ат ярышлары булып узды

2022 елның 30 мае, дүшәмбе

26 май көнне Уфа шәһәрендә чик сакчылары көненә багышланган ат ярышлары булып узды. Анда безнең район данын яклап 3 юртак ат катнашып яхшы  уңышларга ирештеләр. 3 яшьлек атлар арасында  "Падишах" кушаматлы ат - 1 урыны яулады. Ат йөртүчесе - Вәлиев Фазаел.  5 яшьтән югары яшьлек атлар арасында "Бэст Эвер" кушаматлы американ токымлы ат белән - Хәертдинов Мөхмәтдин жиңүче булды. Атлар икесе дә  Мөслим Аргамак ат-спорт мәктәбендә тәрбияләнәләр. Сәет авылы егете Мирсалихов Мирзафатыйх "Пылкий Девиз" кушаматлы аты белән 3нче призлы урында.
"Мондый дәрәҗәле бәйгедә бу яулаган урыннарыбыз белән горурланабыз. Эшләгән тырышлыкларыбызның матур  күрсәткече бу ", - диләр егетләребез. Аларга алдагы, ярышларда да уңышлар теләп калабыз