Мөслим балалар сәнгать мәктәбендә «Гаиләм җәүһәрләре» дип исемләнгән фестиваль узды

Билгеле булганча, 15 майда Халыкара гаилә көне билгеләп үтелде. Әлеге датага багышлап Мөслим сәнгать мәктәбендә «Гаиләм җәүһәрләре» дип исемләнгән фестиваль узды. Фестивальдә Мөслимнең төрле авылларыннан килгән гаилә ансамбльләре чыгыш ясады. Иң элек, гаиләләр турында видеоязмалар тәкъдим ителде. Тамашачылар әлеге гаиләләрне чыгышын да карый алды. Шунысы куандыра, Мөслим районы сәләтле гаиләләргә бай. Чыгыш ясаучылар арасында җыр, бию сәнгате осталары, төрле уен коралларында уйнаучылар күп булды. Фестивальне тамаша кылырга башкарма комитет җитәкчесенең социаль мәсьәләләр буенча урынбасары Марина Бәдретдинова, иҗтимагый совет рәисе Рушат Солтанов, район ГХАТ бүлеге җитәкчесе Язилә Магалимова чакырылган иделәр. Алар фестиваль катнашучылар тәбрикләп, котлау сүзләре җиткерделәр. Фестиваль бүләкләү тантанасы белән төгәлләнде. Гаиләләргә Мөслим сәнгать мәктәбе директоры Фәттахова Айгөл Назыйф кызы Рәхмәт хатлары һәм истәлек бүләкләр тапшырды.