Мизгел яшьләр үзәге белгечләре «Җиңү вальсы»дип исемләнгән бәйрәм чарасы үткәрделәр.

2022 елның 6 мае, җомга

"Җиңү вальсы" – ул буыннар бәйләнеше! Бу безгә бөтен дөньяда ирек һәм тынычлык бүләк иткән, гаять көч, батырлык һәм ныклык бәрабәренә ирешкәннәрне тагын бер кат искә алу мөмкинлеге! Бу Бөек Җиңү бәйрәмен лаеклы каршылау!

5 май көнне, Бөек Ватан сугышында Җиңүнең 77 еллыгы алдыннан, «Мизгел» яшьләр үзәге белгечләре музыка мәктәбе укучылары белән берлектә  Мөслим районы инвалидлар һәм өлкәннәр йортының өлкән буыны өчен «Җиңү вальсы» бию флешмобы үткәрделәр. Программа җыр - биюләр белән үрелеп барды, әби-бабайлар яшьлек елларына чумып, үткәннәрен искә алдылар. Чара бик җылы һәм күңелле шартларда үтте.