Кышны озату бәйрәме

Узган атнада Мөслимдә зур чара узды. Үзәк урам мәйданында мөслимлеләр Кышны озату йоласын зурлап билгеләп үтте. Әлеге чарада сәнгать мәктәбе укучылары һәм укытучылары да катнашты. Балалар кунакларны үзләренең матур чыгышлары белән каршы алса, укытучылар коллективы ярминкә кунаклары өчен чәй табыннары әзерләгән иде. Театр һәм җыр сәнгате бүлегенең Ләйсән Замалова, Гүзәл Галиева сыйныфы укучылары чыгышлары кунаклар тарафыннан зур алкышларга күмелде.