"Мөслим егете, Мөслим кызы" проекты

7 нче декабрь көнне "Мөслим егете, Мөслим кызы" проекты кысаларында Мөслим балалар сәнгать мәктәбенең бию сәнгате бүлеге укытучысы Ольга Станиславовна Г.Тукай исемендәге Мөслим гомуми белем бирү урта мәктәбендә 4 Г сыйныфы укучылары белән "Татарларның милли костюмнары һәм татар халык биюе" темасына мастер-класс үткәрде. Укучылар хатын-кызлар һәм ир-атлар костюмының барлыкка килүе, түбәтәй баш киеменең тарихы белән таныштылар. Чабатаны киеп карап, бауларын дөрес итеп бәйләргә өйрәнделәр. Гармунның ничек барлыкка килгәнен белделәр. Егетләр "Шома бас" биюендәге "вакланма", "волчок", "борма", "чүгәләп бию", "чыршы" бию хәрәкәтләрен күрсәтеп, үзләрен бию осталыгында сынап карадылар.