МФЦ офисларында консультацияләр уздырыла
Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре Бөтендөнья сыйфат көнен бәйрәм итү алдыннан төрле чаралар оештыра, алар җәмгыять һәм дәүләтнең тотрыклы үсеше өчен заманча стандартлар һәм идарә технологияләрен куллану исәбенә продукция һәм хезмәтләрнең сыйфатын өзлексез күтәрүнең мөһимлеген ассызыклый.
2021 елда Бөтендөнья сыйфат атнасы - 8-12 ноябрьдә, сыйфат көне-11 ноябрьгә туры килә.
Түбән Кама территориаль органы хезмәткәре Виноградова А.И. Мөслим авылында җитештерелә торган атланмай кулланучыларның канәгать булу-булмавын бәяләү буенча халык арасында сораштыру үткәрде. Бәяләү чараларын үткәрү барышында Кулланучылар хокукларын яклау мәсьәләләре буенча консультация үткәрелде.
Атланмай алыштыргысыз һәм тулы кыйммәтле иртәнге ашның мәҗбүри өлеше булып санала. Шулай ук майның бай витаминлы составы турында да искәртергә кирәк. Хайван мае составында күрү сәләтен саклап калу өчен кирәк булган А витамины, шулай ук составка керүче башка файдалы матдәләр арасында - селен антиоксиданты да бар.
Сатып алган вакытта төргәккә, составына, яраклылык срогы, саклау шартларына игътибар итәргә кирәк. Кирәк булганда этикетканы сыгарга, төсне, йомшаклыгын тикшерергә һәм атланмаларның хуш исен тоярга мөмкин.