Киңәйтелгән киңәшмә узды
Бүген Совет утырышы актлар залында башкарма комитет җитәкчесе вазыйфаларын башкаручы Альберт Хузин җитәкчелегендә бүлек, оешма-предприяте җитәкчеләре, авыл җирлеге башлыклары катнашында киңәйтелгән киңәшмә узды.
Альберт Хузин районыбызны күп еллар җитәкләгән Рамил Муллин һәм барлык җитәкчеләргә куйган хезмәтләре өчен рәхмәтләрен җиткерде.
- Бүгенге Мөслим - барыгызның да бердәм хезмәте нәтиҗәсе, безнең бурыч дәрәҗәне саклау, тагы да үстерү. Без алга таба да бердәм булып, лаеклы хезмәт куярбыз дип ышанам, - диде ул җитәкчеләргә мөрәҗәгатендә.
Җитәкче шулай ук короновирус белән авыручылар саны арту, вакцинация мәсьәләсе буенча борчуларын җиткерде.
- Кеше вакцинацияне коткару чарасы буларак кабул итми икэн, димәк, дөрес итеп аңлату җитми. Без бер генә кешене дә югалтырга тиеш түгел! – дип ассызыклады Альберт Робертович.
Альберт Хузин зиратларда өмәләр уздыру, тирә юньне кышка керергә әзерләү мәсьәләренә тукталып, бу эшләрне әлбәттә халык белән бердәм башкарырга кирәклегенә тукталып үтте.
- Зират – безнең мәңгелек йорт, аны чиста тоту безнең изге бурыч. Йортларыбыз, оешмаларыбыз каршы пөхтә булу – безнең яшәешебезгә мөнәсәбәтебезнең көзгесе.