“Мөслим кызы, Мөслим егете” дип исемләнгән проект

Агымдагы уку елында районыбызда яңа проект старт алды. “Мөслим кызы, Мөслим егете” дип исемләнгән проект кысаларында сәнгать мәктәбе укытучылары гомуми белем бирү учреждениеләренә барып, класс сәгатьләре, мастер-класслар оештырачак дип билгеләнде. Беренчеләрдән булып әлеге чараларны фортепиано бүлеге башлап җибәрде. 30 сентябрь көнне әлеге чара Мөслим гимназиясе укучылары катнашында узды. Укытучылар Филюзә Шәрипова һәм Алеся Латыпова гимназиянең 4 сыйныф укучылары өчен экскурсия һәм “Үзебезнең уен” дип исемләнгән чара оештырды.