Мәдәният хезмәткәрләренең район профсоюз оешмасының отчет-сайлау җыелышы

28 нче апрель көнне Мөслим сәнгать мәктәбенең актлар залында мәдәният хезмәткәрләренең район профсоюз оешмасының отчет-сайлау җыелышы булып узды. Җыелышта барлыгы 92 профсоюз әгъзасы, мәдәният хезмәткәрләренең татар профсоюз оешмасы рәисе Сабитова Альбина Фәрит кызы катнашты. Ул үзенең чыгышында профсоюзның һәм башлангыч профсоюз оешмаларының ролен, социаль партнерлыкның һәм үзара аңлашуның әһәмиятен билгеләп үтте. Район профсоюз оешмасы рәисе Деникаева Румия Рафик кызы башкарылган эшләргә анализ ясады, яңа куелган бурычлар белән таныштырды. Җыелышта киләчәктә һөнәр берлегенә керүне мотивацияләү, профсоюз әгъзаларының социаль активлыгын арттыру эшен оештыру, профсоюз әгъзаларының сайт һәм социаль челтәрләр аша профком эше турында профсоюз әгъзаларына мәгълүмат бирүне көчәйтү буенча проектлар планлаштырылды. Җыелышның йомгаклау өлешендә Альбина Фаридовна профсоюзның актив әгъзаларына социаль партнерлык һәм профсоюзда намуслы хезмәте өчен рәхмәт хатлары һәм Мактау грамоталары тапшырды.