"2021 ел-Туган телләр һәм халык бердәмлеге елы" кысаларында Мөслим районы Үзәк балалар китапханәсендә ел саен үткәрелә торган "Библиотөн" социаль-мәдәни акциясе булып узды.

2021 елның 28 апреле, чәршәмбе

Үзәк балалар китапханәсендә ел саен үткәрелә торган социаль-мәдәни акция кысаларында «Тукай безнең йөрәкләрдә» дип исемләнгән Библиотөн узды. Әлеге чара бөек татар шагыйре Габдулла Тукайның (1886-1913) тууына 135 ел тулуга багышланды. Чарада балалар шагыйрьнең авыр балачагы, аның тормышы һәм иҗаты белән таныштылар,  шулай ук  балалар өчен «Кәҗә белән Сарык» әкияте сәхнәләштерелде, "Тукай әсәрен иллюстрацияләр буенча тап" дигән викторина да үткәрелде. Чарада балалар бик теләп катнаштылар, сорауларга җавап бирделәр. Бәйрәм ахырында балалар бөек татар шагыйре шигырьләрен сөйләделәр. Чара татар халкының гимнына әверелгән «Туган тел» җыры белән тәмамланды.