“Милли почмак”

2021 елның 22 апреле, пәнҗешәмбе

Туган телләр һәм халыклар бердәмлеге елы кысаларында, укучылар күңелендә әби-бабаларыбызның үткәненә кызыксыну уяту максатыннан, районыбыз мәктәпләре “Милли почмак” булдырды. Анда халкыбызның борынгы көнкүреш әйберләреннән: бала бишеге, читек, чүәк, татар түбәтәе, чигүле калфаклар, самавыр, кулдан сугылган, чигелгән сөлгеләр, милли бизәкләребездән торган альбомнар, туган якны өйрәнү әсбаплары, милли рухта сугарылган өстәл уеннары hәм башка бик күп әйберләр тупланган.