"Авылым-көч, дәрт, илһам чыганагы булды"

Мөслим Үзәк китапханәсендә Халык язучысы, драматург, публицист, Татарстанның атказанган сәнгать эшлеклесе, Г.Тукай исемендәге Дәүләт премиясе лауреаты, С.Сөләйманова, Р.Фәхретдин, Р.Төхвәтуллин исемендәге бүләкләр иясе, Татарстан язучылар берлеге әгъзасы, якташыбыз, Мөслим муниципаль районының Шәрәфле гражданины Фоат Миңлеәхмәт улы Садриевнын 80 яшьлек юбилее уңаеннан "Авылым-көч, дәрт, илһам чыганагы булды" исеме астында әдәби-музыкаль кичә узды. Фоат абыйның якын дуслары, каләмдәшләре, райондашлары, гомер юлын бергә үткән замандашларының истәлекләре, изге теләкләре яңгырады, әдипнең әсәрләреннән өзекләр укылды, комедиясеннән күренеш тәкъдим ителде. Музыкаль яктан бизәлешне сәнгать мәктәбебезнең укучылары алкышларга моңландылар: Мирзаянов Нияз (укытучысы Юсупова Гөлназ Моряковна) чараны "Саумы, кояш" җыры белән ачып җибәрде һәм чара азагында татарларның гимнына әверелгән "Туган тел" җырын аһәңле башкарып барлык тамашачыларны аягүрә бастырып җырлатты. Латыйпов Айнур (Юсупова Гөлназ Моряковна классын җыр буенча тәмамлады) хәзергесе көндә үзедә лицейда тарих укытучысы, башкаруында Фоат Садриев сүзләренә язылган "Биегез, җырлагыз кызлар" җырына тамашачы кул чабып, дәртсенеп биеп утырды. Шулай ук сәнгать мәктәбенең җыр бүлеген тәмамлаган Эльза Хисамиева (Әхмәтҗанова Мөршидә Мирзахановна классы укучысы) үзе язган җырлары белән өлкән буын тамашачыларның күңелләрен эретте. Әлеге чараны оештырып, безне кунакка чакырып җылы кабул иткән Мөслим Үзәк китапханә хезмәткәрләренә @muslumkitap зур рәхмәтләребезне җиткерәбез, һәм Мәдәният хезмәткәрләре көне белән ихлас күңелдән тәбрикләп, киләчәктә дә бергә-бергә эшләргә насыйп итүне теләп калабыз.Әлеге чара Туган телләр һәм халыклар бердәмлеге елы кысаларында районыбызның күренекле, мактаулы шәхесенә багышлап үткәрелде. Без булдырабыз! Без Мөслимлеләр!