“Бирнә биргән – бикә килен...”

2021 елның 23 марты, сишәмбе

Крәш Шуран авылы китапханәчесе “Бирнә биргән – бикә килен...” исеме астында балаларны кәләшнең бирнә бүләкләре белән таныштырды. Татар халкында кыз баланы кияүгә бирнә белән озату йоласы бар. Бирнә – кыз баланың байлыгы, кияү кешегә һәм аның туганнарына алып килгән бүләге. Борынгыдан, кыз бала кул арасына керә башлагач ук, аның әнисе, әбисеннән яки, аулак өйләргә утырмага барып, башка хатын-кызлардан кул эшләренә өйрәнгән һәм үзенә бирнә әзерли башлаган. Юкка гына яшь киленнең уңганлыгы аның сандыгындагы кул эшләренә карап бәяләнмәгән.