“Моңлы Ык буйлары” региональ конкурсына әзерлек

Бу көннәрдә Мөслим сәнгать мәктәбендә урак өсте. Республика күләм игълан ителгән “Моңлы Ык буйлары” региональ конкурсына эшләп кабул итү бара. Сезнең дә игътибарыгызга җиткерәбез: әлеге региональ конкурска 22 мартка тикле заявкалар кабул итәбез. Катнашучылар дистанцион форматта үзләренең җыр сәнгате, уен коралларында уйнау осталыгын күрсәтә алачак. Яшь чикләве бик зур: конкурсыбызда мәктәп кенә түгел, балалар бакчаларында шөгыльләнүчеләр дә катнаша ала. Тулырак мәгълүмат белән конкурс нигезләмәсе Мөслим сәнгать мәктәбенең “Еду.татар.ру” сайтында урнашкан битенә дә эленде. Рәхим итегез!