Сәнгать мәктәбе яңалыклары: фортепиано бүлеге укытучысы Деникаева Р.Р.ның мастер-классы

       Сәнгать мәктәбендә хезмәт куючы мөгаллимнәрнең 50%ы – тәҗрибәле укытучылар. Араларында 30 елга якын хезмәт куеп, зур нәтиҗәләргә ирешкәннәре күп. Шундый коллегаларыбызның берсе – ул Румия Деникаева. Бүген Румия Рафиковна фортепиано бүлегендә укыта һәм уку-укыту эшләре буенча директор урынбасары вазифаларын башкара. Эш күрсәткечләре югары булган мөгаллимнәрнең тәҗрибәсен яшь белгечләргә күрсәтү максаты белән мәктәбебездә еш кына мастер-класслар оештырыла. Румия Деникаева оештырган мастер-класс та аның озак еллар дәвамында туплаган укыту алымнарын сурәтләде.