Опека һәм попечительлек булеге эшчәнлеге турында мэгълүмәт

2020 елның 6 феврале, пәнҗешәмбе

Узган айда опека һәм попечительлек бүлеге хезмәткәрләре  Иске Карамалы, Күбәк, Усы, Дусай һәм Баек җирлегендә алмаш гаиләләрдә яшәүче балаларның яшәү шартларын тикшерү максатыннан рейдка чыктылар. Яшәү шартлары белән танышу белән беррәттән, балалар белән әңгәмәләр дә үткәрделәр. Шулай ук, хокукка яраксыз гражданнарның да торак-яшәү шартларын тикшерделәр. Тикшерү барышында  тәрбиягә алынучыларның хокукларын  бозу очраклары күзәтелмәде.