Хәйрия ярминкәсе
Инвалидлар декадасы кысаларында Михайловка урта мәктәбендә хәйрия ярминкәсе узды.Педагоглар һәм укучылар бу ярминкәне оештыруга һәм үткәрүгә актив катнаштылар. Балалар үз куллары белән төрле эшләнмәләр, сувенирлар, бизәнү әйберләре ясадылар. Ә яшь аш-су осталары әти-әниләре ярдәме белән ярминкә өчен үз кулинария шедеврларын әзерләгәннәр. Барысы да бер-берсен гаҗәпләндерәсе килде! Ярминкәдә әлеге кул эшләнмәләрен, сувенирларны һәм тәм — томнарны сатучылар сайлап алынды.Мондый чараларның бу мәктәптә традициягә әйләнүен, шик тудырмыйча, ел саен анда күбрәк кеше катнашуын билгеләп үтү күңелле. Якыннарыбызга ярдәм – безнең тормышыбызның нигезе, ул изге гамәлләрдән тора. Чөнки игелекле эшләр үзеннән соң онытылмаслык эз, тынычлык һәм гармония калдыра. Изге эшләр эшләргә ашыгыгыз! Бу дөньяда барысы да бәхетле булсын!