Уку елының әле беренче чиреге генә тәмамлануга карамастан, укучыларыбыз инде яңа әсәрләр, яңа җырлар өйрәнеп, республика буйлап конкурс-фестивальләргә йөри башлады. Беренчеләрдән булып, быел бу эшкә җыр сәнгате бүлеге тотынды. Алар Казан шәһәрендә узган “Калфаклы сандугач” конкурс-фестивалендә катнашты. Сара Садыйкова истәлегенә оештырылучы әлеге фестивальдән Гөлназ Йосыпова, Гүзәл Галиева, Мөршидә Әхмәтҗанова, Айгөл Шәйгәрданова укучылары призлы урыннар яуладылар.