Билгеле булганча, октябрьнең беренче ункөнлегендә өлкәннәр көне билгеләп үтелә. Традиция буенча бу ункөнлектә өлкән яшьтәге райондашларыбызны хөрмәтләү тантаналары уза. Район картлар һәм инвалидлар йортында бүгенге көндә 50дән артык әби-бабай тәрбияләнә. Мөслим сәнгать мәктәбе аларны ел да бәйрәм белән котлап, концерт программасы әзерли. Быел да укучыларыбыз һәм укытучылар картлар йортына барып җыр-биюле тамаша куйды.