“Гаилә – бәхет ачкычы”
Мөслим районында 2019 ел – Рухи-әхлакый үсеш елы дип игълан ителде. Шушы ел кысаларында 5 еллык программа кабул ителде. Шул программа нигезендә кичә, 24 апрель көнне “Мизгел” яшьләр үзәге бинасында “Гаилә – бәхет ачкычы” дигән чара үтте. Бәйрәмебезне Мөслим муниципаль район башлыгы Рамил Хәмзә улы Муллин ачып җибәрде. Аннан үз теләкләрен “Җәмигъ” мәчете имам хатибы Расыйх хәзрәт Каюмов әйтте. Һәм инде безнең Мөслимебездә яшәүче сикәлтәле гомер юлларыннан матур итеп бергә атлаучы, бер-берсен яратып, күгәрченнәр кебек гөрләшеп яшәүче гаиләләр катнашты.
Безнең “Игелек уят” отряды волонтерлары да бу бәйрәмнән читтә калмады. Алар кунакларны сәламләп Мөслим кагыйдәләре буклетларын һәм “Европа иммунизация атналыгы 2019” акциясы кысаларында “вакциналар эшли” халыкка памяткалар тапшырылды. Чарабыз бик тәрбияви һәм җылы атмосферада үтте.