Пианистларыбызны җиңүләре белән котлыйбыз!

       Һәр илнең үз геройлары булган кебек, мәктәбебезнең дә үз йолдызлары бар. Язилә Кыямова – шундый укучыларның берсе. Бүген ул берьюлы ике бүлектә уңышлы белем ала. Язилә фортепиано, курайда, саксофонда, тальянда уйный белә, җыр сәнгате бүлегендә белем алды. Аның портфолиосында төрле дәрәҗәдәге конкурс-бәйгеләр саны да шактый. Күптән түгел Язиләбез Әлмәт шәһәрендә узучы “Сандугач сайрар илем” регионара конкурсында катнашып, дипломант исеменә лаек булды. Җитәкчесе – Румия Деникаева.