Баек авыл китапханәсе, мәдәният йорты һәм "Чулпан" балалар бакчасы нәниләре белән берлектә "Сөенечләр белән түрдән уз, Нәүрүз" дип исемләнгән чара үткәрделәр. Кичә биюләр, җырлар белән үрелеп барды, төрле уеннар уйнадылар. Китапханәче балаларны халык йолалары белән таныштырды, татар халкының бәйрәмнәренә кызыксындыру уяту, борынгыдан килгән гореф-гадәтләрне, йолаларны искә төшерү турында сөйләде.