23-24 февраль көннәрендә казан шәһәрендә “Сандугач – Соловей” дип исемләнгән IV Халыкара җыр башкаручылар конкурсы булып узды. Россиянең һәм Татарстанның халык артисты Винера Ганиева исемен йөртүче әлеге конкурста Мөслим сәнгать мәктәбе укучысы Диләрә Хәйруллина да катнашты. Диләрә жюри әгъзаларының мәхәббәтен яулап, конкурсның 2нче дәрәҗә лауреат дипломын алып кайтты. Аның укытучысы Гөлназ Йосыпова конкурсның Рәхмәт хатына лаек булды.