Мөслим сәнгать мәктәбе укытучылары алдан билгеләнгән эш графигы нигезендә ачык дәресләр, мастер-класслар күрсәтә. Шулай узган атнада вокал сәнгате бүлеге укытучысы Айгөл Шәйгәрданова “Уйный-уйный җырлыйбыз” дигән темага ачык дәрес күрсәтте. Айгөл Рифовна вокал ансамбль белән шөгыльләнү алымнарын күрсәтте, сәхнәдә оста чыгыш ясау серләрен сөйләде. Дәрестә катнашкан укыту-тәрбия эшләре буенча директор урынбасары Румия Деникаева, вокал сәнгате бүлеге җитәкчесе Гөлназ Йосыпова, фортепиано бүлеге җитәкчесе Филюзә Шәрипова Айгөл Рифовнаның уңышлы эш алымын бәяләп үтте.