Татарстан баш приставы урынбасары итеп Әнвәр Закиров билгеләнде

Татарстан баш приставы урынбасары итеп икенче класслы юстиция киңәшчесе Әнвәр Закиров билгеләнде. Бу хакта Суд приставлары федераль хезмәтенең Татарстан буенча идарәсенең матбугат чаралары белән хезмәттәшлек буенча баш белгеч-эксперты Лилия Хәлимова хәбәр итте.

• Әнвәр Закиров 1979 елда Баулыда туган. 2001 елда Казан дәүләт технология университетын, 2004 елда Казан дәүләт университетын тәмамлаган. 2001 елдан 2016 елга кадәр Закиров Суд приставлары федераль хезмәтенең Татарстан буенча идарәсендә пристав-башкаручы, әйдәп баручы белгеч, баш белгеч, Совет, Авиатөзелеш районнарында өлкән суд приставы, шулай ук Суд приставлары федераль хезмәтенең Татарстан буенча идарәсендә бүлек җитәкчесе вазифаларын башкарган. 2016 дан 2018 елга кадәр Закиров бүлек җитәкчесе урынбасары, аннан оештыру-аналитик эш һәм зона контроль бүлеге җитәкчесе булган.

Бүген Суд приставлары федераль хезмәте директоры приказы нигезендә Әнвәр Закиров Суд приставлары федераль хезмәтенең Татарстан буенча идарәсе җитәкчесе урынбасары булып билгеләнде.