Сәнгать мәктәбе яңалыклары

2018 елның 16 феврале, җомга
15 февраль көнне Мөслим сәнгать мәктәбендә “Җырлы-моңлы балачак” дип исемләнгән проект старт алды. Аның төп максаты – район үзәгеннән ерак урнашкан авылларда яшәүче, үзен сәнгатьтә сынап карарга теләүче балаларны барлау, аларның сәләтен үстерү. Сайлап алу турына Мөслимдәге төп һәм урта гомуми белем бирү мәктәпләреннән һәм балалар бакчаларыннан 30дан артык бала килгән иде. “Җырлы-моңлы балачак” проекты нигезләмәсе буенча, конкурсант үзе теләгән жанрдан тере тавышка җыр башкарырга тиеш иде. Жюри әгъзалары “Голос” телевизион проектындагы кебек конкурсантны тавышын гына тыңлап сайлап алды. Нәтиҗәдә, сәнгать мәктәбенең җыр бүлеге укытучылары Гөлназ Йосыпова – 7, Гүзәл Галиева – 4, Айгөл Шәйгәрданова 5 катнашучыны үзенә алды. Алдан вәгъдә ителгәнчә, әлеге балалар бер ай дәвамында сайлап алган укытучылар белән ансамбль, дуют, трио яисә аерым башкаручы буларак шөгыльләнеп, 15 март көнне кабаттан чыгыш ясаячак. Икенче тур ахырында әлеге катнашучылар арасыннан 3 башкаручы сайлап алынып, аларга март-апрель аенда узачак Мөслим сәнгать мәктәбенең отчет концертында чыгыш ясау мөмкинлеге тудырылачак. Төп җиңүчегә Мөслим сәнгать мәктәбенә имтиханнарсыз укырга керү сертификаты тапшырылачак. Әйтергә кирәк, мондый формадагы проект Мөслим сәнгать мәктәбендә беренче тапкыр оештырылды. Шуңа да карамастан, катнашучылар саны һәм аларның әзерлеге жюри әгъзаларын таң калдырды. “Җырлы-моңлы балачак” проекты алдагы елларда да үз эшчәнлеген дәвам итәчәк.
Мәгариф бүлеге
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Районыбыз турында
Документлар
Пресс-хезмәт
Халык мөрәҗәгатьләре
Адрес: 423970, ТР, Мөслим районы, Мөслим авылы, Пушкин ур., 41
Телефон: 8 (5556) 2-42-66
Факс: 8 (5556) 2-42-66
E-Mail: muslum@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International