Сәнгать мәктәбе яңалыклары

Мөслим сәнгать мәктәбе укучыларының кышкы каникулы файда белән уза. Шушы көннәрдә вокал бүлегендә белем алучы егет-кызлар укытучылары Гөлназ Йосыпова җитәкчелегендә кинотеатрга барды. Балалар, беренчедән, район үзәгендә торгызылган боз шәһәрчеге, үзәк чыршы белән танышты. “Дуслар-клаб” кинотеатрында алар балалар өчен мультфильм карады. Рәсем сәнгате бүлеге укучылары өчен сәнгать мәктәбе укытучылары өстәмә дәресләр үткәрә. Шул рәвешле балалар яңа уку чирегенә ныклы әзерлек белән киләчәк.