ФОТОРЕПОРТАЖЛАР

Яңа Усы мәдәният йортында "Искечә Яңа ел" исемле күңел ачу кичәсе узды. Программада күңелле уеннар һәм ярышлар булды,кичә дискотека белән дәвам итте.

«Бөтендөнья Дин көне»нә карата Үрәзмәт авыл мәдәният йортында, дингә багышланган кичәузды, килгән кунаклар башваткыч аша сорауларга җавап бирделәр.

Иске Карамалы авыл мәдәният йорты "Замандаш" халык театры Яңа Карамалы авыл клубы тамашачыларына Д.Салиховның «Микүләй дәдәйнең бөер ташы» сатирик комедиясен тәкъдим итте. Әсәрнең төп герое - Микүләй дәдәйнең (рольне башкара - Илнур Каримов) бөерендә, янәсе, рентген снимогында бриллиантка әйләнгән таш күренгән. Район больницасында юньләп тикшерелмичә бирегә килеп, шәһәр больницасында да ныклап дәвалану күрмәгән картка мөнәсәбәт капма-каршыга үзгәрә: чак күтәреп кенә йөртмиләр. Бүлмәдәш авыру Шрам кушаматлы Кыям (Алмаз Рахимзянов), хатыны Анфиса (Сәрия Маликова), дәвалаучы врач Минтимер Хантимерович (Ильмир Гайнетдинов), доцент Мәүлидә Җәүдәтовна (Ильнара Латипова), район хакимияте башлыгы Марфа Васильевна (Әнисә Биктимерова)лар, бу "бриллиант"тан үзләренә табыш алу максатлары белән үзләренең чын йөзләрен күрсәтәләр. Микүләй дәдәй, форсаттан файдаланып, яхшылап дәваланып, аларның барсын да кызык хәлгә куеп, әенә кайтып китә. Үзешчән артистларның чыгышын тамашачы бик җылы кабул итте, көчле алкышлар белән бәяләде.

Кышкы каникуллар - күп балаларның яраткан һәм күңелле чоры, Яңа ел тамашалары, кызыклы чаралар, очрашулар, кышкы уеннар чоры. Барлык каникуллар дәвамында Яңа Карамалы авыл клубында элек эшләнгән чаралар планы нигезендә эшләде, аның максаты: - кышкы каникуллар вакытында укучыларның ялын оештырырга; - балаларны кызыклы эш белән мавыктыру; - сәламәт яшәү рәвеше алып барырга; - җаваплылык, хезмәт сөючәнлек һәм үз-үзеңне тоту культурасын тәрбияләү.

Кыш-елның иң кадерле чоры гына түгел, бәйрәмнәрнең иң бай чоры. 13 гыйнвар көнне Яңа Карамалы авыл халкы, Иске Яңа ел кичен күңелле һәм тату итеп каршы алды.

Икенче гыйнвар көнне Зарипова Җәннәт апа– 90 яшьлек юбилеен билгеләп үтте. Ул хезмәт ветераны һәм тыл хезмәтчәне. Бу игелекле хатын-кыз өлешенә ач балачак, авыр физик хезмәт туры килде, әмма, шуңа карамастан, ул якты, шат күңелле кеше булып кала, ә тагын авыруларга бирешмәскә тырыша. Җәннәт апаны юбилее белән Иске Карамалы авыл җирлеге башлыгы Кәримов И. Н., Яңа Карамалы авыл җирлеге мөдире Фарухшина Ф. Ф., Иске Карамалы авыл мәдәният йорты китапханәчесе Мавлиева Г. Ф. котладылар, аларга исәнлек-саулык, озын гомер, туганнары һәм якыннарының мәхәббәтен теләделәр, шулай ук Россия Президенты Владимир Путинның шәхси хатын, район һәм авыл җирлегеннән бүләкләр тапшырдылар.

Крәш Шуран авыл мәдәният йортында Иске Яңа ел бәйрәменә багышланган «Саубул Иске Яңа ел!» дип исемләнгән чара узды.

Краснояр мәдәният йортында "Искечә Яңа ел!" исемле күңел ачу кичәсе узды.

Краснояр авыл клубында "Кышкы уеннар" дип исемләнгән уен программасы булып узды.