“Нечкәбил-2017” республика конкурсы старт алды

Районыбыз тарихында беренче мәртәбә Мөслим кызы, “Мизгел” яшьләр үзәге җитәкчесе, Мөслим авыл җирлеге депутаты, “Татарстан Яңа гасыр” иҗтимагый хәрәкәтенең Мөслимдәге рәисе Эльвира Гәрәева “Нечкәбил-2017” республика конкурсында катнаша. 21 июнь көнне Минзәлә шәһәре мәдәният сараенда әлеге бәйгенең сайлап алу туры узды. 11 район арасыннан 7 хатын-кыз ярымфиналга узды. Алар арасында Эльвира да бар. Ярымфинал башкаланың “Корстон” мәдәни-күңел ачу үзәгендә 23 сентябрьдә узачак. Әлеге этапта конкурсантлар үз гаиләләре белән катнашып, гаиләләренең гореф-гадәтләрен, традицияләрен күрсәтәчәк.