ЯҢАЛЫКЛАР


16
ноябрь 2019 ел.
шимбә

Мари Бүләр авылы яшьләре атнаның һәр шимбәсендә волейбол уйнарга җыелалар, шул рәвешле алар сәламәт яшәү рәвеше алып баралар һәм Кышкы Спартакиадага әзерләнәләр.

Октябрь авыл клубы балалар театр коллективы Галимҗан Гыйльманов пьесасы буенча "Шүрәле, Убырлы карчык һәм Гөлүсә" спектаклен сәхнәгә куйдылар.


15
ноябрь 2019 ел.
җомга

Михайловка урта мәктәбендә җиңел атлетика буенча СССР спорт мастерлыгына кандидат Мәҗитов Илкам Заһит улы белән кызыклы очрашу булды. Безнең мәктәп укучылары мондый искиткеч кешеләр турында белсеннәр иде.

   Үзәк китапханә хезмәткәрләре картлар һәм инвалидлар интернат йортында булып, өлкәннәр өчен Татарстанның Г.Тукай исемендәге Дәүләт бүләге иясе,  Россия Федерациясенең халык рәссамы Илдар Касыйм улы Зариповның тууына 80 яшь тулу уңаеннан " «Төсләргә әверелгән моң» дип исемләнгән мәгълүмат сәгате үткәрделәр. Очрашу  барышында  китапханәчеләр рәссамның тормыш юлы һәм иҗаты белән таныштырдылар.

Бүген, ягъни 15 нче ноябрь көнне, Рус Шуган төп гомуми белем бирү мәктәбендә Россия Президенты гранты һәм “Авыл ихатасы” проектын тормышка ашыру буенча I “Мөслим – 2019: фольклор, этнография һәм халык һөнәрчелеге” дигән темага фәнни-гамәли конференция узды.

15 нче ноябрь көнне Варяшбаш башлангыч мәктәбендә “Азкомплектлы авыл мәктәбендә системалы эшчәнлек юлы аша дәресләрне оештыру үзенчәлекләре” дигән тема буенча башлангыч сыйныф укытучылары өчен районара семинар узды.

«Мин кулыма китап алам» акциясе кысаларында үзәк китапханә хезмәткәрләре Г.Тукай исемендәге Мөслим урта мәктәбе укучылары һәм укытучылары өчен китапханә фондыннан китаплар тәкъдим иттеләр.

2019 елның 16 ноябренә
2019 елның 15 ноябре 18 сәгатьтән 16 ноябрь 18 сәгатькә кадәр

Аязучан болытлы һава.
Явым-төшемсез.
Аерым районнарда томан.
Җил көньяк-көнбатыштан секундына 4-9 метр тизлектә, көчәйгәндә 12 метрга кадәр.  
Төнлә минималь һава температурасы -2..-6, көндез максималь һава температурасы +1..+4.

Район мәдәният йортында оешма-предприятиеләрдә үзешчән сәнгатьтә катнашучы Мөслим гимназиясе коллективының "Татарстан бәхет тапкан җирем - җыр-биюле газиз Ватаным!" район смотр-конкурсы булып узды. 

Бәкәбез авыл клубында эшләп килүче "Оста куллар" берләшмәсе белән татар халык ашлары, коймак һәм "Кош теле" пешерү буенча әңгәмә булып узды.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования