ЯҢАЛЫКЛАР


11
декабрь 2019 ел.
чәршәмбе

БДИда катнашучы тапшырырга ниятләгән предметларын гаризада язарга тиеш. Шул ук вакытта предметларның теләсә кайсы санын күрсәтергә мөмкин. Ике имтихан – рус теле һәм математика – агымдагы елның чыгарылыш сыйныф укучылары өчен мәҗбүри булып тора. Аттестат алу өчен әлеге предметларны уңышлы гына тапшыру зарур.

11 декабрь көнне Мөслимнең «Күбәләк» балалар бакчасында район мәгариф учреждениеләре җитәкчеләренең чираттагы киңәшмәсе булып узды. Утырышта мәктәп укучыларының тормыш иминлеген һәм сәламәтлеген тәэмин итү һәм каникул вакытында чаралар планын тормышка ашыру мәсьәләләре каралды.  Күбәк урта мәктәбе, Яңа Усы төп гомуми белем бирү мәктәбе, Яңа Карамалы «Каенкай» балалар бакчасы һәм Мөслимнең «Күбәләк»балалар бакчасы җитәкчеләре чыгышлары тыңланды.

7 декабрь көнне инвалидлар декадасы кысаларында, Баек авыл мәдәният йорты директоры мөмкинлекләре чикләнгән авылдашлары Нуриахметов Мөнәвис һәм Баязитов Илсурларга барып күчтәнәч пакеты тапшырды, бәйрәм белән котлап җылы сүзләрен җиткерде.

Михайловка авыл мәдәният йорты директоры балалар белән инвалидлар Декадасына багышлап урамда Флешмоб үткәрде.

8 декабрь көнне Сикия авылы клубында "Коррупция турында нәрсә беләсең?!" дигән темага яшьләр белән әңгәмә булып узды.

7 декабрь көнне Сикия авыл клубы мөдире I группа инвалиды Вәлиева Мара Мөхтәр кызы янына барды. Аны "Авыл утлары" газетасы яңалыклары, кызыклы мәкаләләре белән таныштырды. Очрашу күңелле шартларда узды.

Михайловка урта мәктәбендә " Коррупциягә ЮК дип әйт!» дигән класс сәгате үтте. Ул ел саен 9 декабрьдә билгеләп үтелә торган Халыкара коррупциягә каршы көрәш көненә багышланган иде.


10
декабрь 2019 ел.
сишәмбе

2019 елның 11 декабренә
2019 елның 10 декабре 18 сәгатьтән 2019 елның 11 декабре 18 сәгатькә кадәр

Болытлы.
Төнлә явым-төшемсез. 
Көндез һәм кичен юеш кар һәм кар, урыны белән буран, бозлавык.
Җил көньяк-көнбатыштан секундына 5-10 метр, урыны белән көчәйгәндә 14 метрга кадәр.  
Төнлә һаваның минималь температурасы -1..-5, көндез максималь һава температурасы 0..-2. 
Юлларда бозлавык, урыны белән көчле.

9 декабрь көнне "Мизгел" яшьләр үзәге волонтерлары Түбән Табындагы мөмкинлекләре чикләнгән балалар өчен «Күңелле кәеф сәгате» дигән уен программасы белән коррекция мәктәбенә бардылар . 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования