Балаларны спортка тарту һәм сәламәт яшәү рәвешен пропагандалау максатыннан 10 нчы сентябрь көнне Михайловка мәктәбендә Көзге җиңел атлетика кроссы үткәрелде. Анда 1-11 сыйныф укучылары катнашты. Табигать ярышларда катнашучыларга югары нәтиҗәләргә, яңа рекордларга ирешү, яхшы кәеф күтәренкелеге алу өчен барлык шартлар тудырды. Җиңүчеләр һәм призерлар мактау грамоталары белән бүләкләнде.